TÍTULO BÁSICO DE COCIÑA

Bo día!
Aínda que xa estamos de vacacións, no día de hoxe queremos compartir con vós información sobre o Ciclo de Formación Profesional Básica de Cociña, que se oferta no IES Lagoa de Antela de Xinzo de Limia.
Preme nas imaxes para acceder ós documentos.

Podedes atopar mais infromación sobre as ensinanzas de FP Básica no blogue de ORIENTACIÓN ANTELA

ADMISIÓN E OFERTA EN CICLOS FORMATIVOS CURSO 2020-21

A Consellería de Educación publicou onte o anuncio do inicio do proceso de admisión a ciclos de Formación Profesional para o curso 2020-21.

En primeiro lugar, hai que ter en conta co calendario que se publicou o venres pasado, onde se especifican os prazos do proceso, e que podedes consultar na imaxe inferior (pinchar na imaxe para ampliala)

Por outra banda, é necesario coñecer a oferta de ciclos, que podedes consultar PREMENDO AQUÍ

Finalmente consultade a información relativa ao proceso de admisión NO PORTAL DE FP DA CONSELLERÍA (neste caso esta ligazón é a relativa a ciclos de Grao Medio) e gardade en favoritos a seguinte ligazón:
ADMISIÓN CURSO 2020/21

Nela atoparemos:

• Instruccións para realizar a solicitude web
• Vídeo titorial para crear unha solicitude de admisión a través do asistente informático (abaixo)

• Asistente informático para realizar a solicitude
• Listaxes do procedemento de admisión, que se irán actualizando segundo o calendario 

Mais información:

• Portal da FP da Consellería de Educación

• Normativa de admisión: ORDE do 15 de xuño de 2016 pola que se regula o procedemento de admisión do alumnado nos centros docentes sostidos con fondos públicos para impartir ciclos formativos de formación profesional de grao medio e de grao superior en réxime ordinario e para as persoas adultas.

PRAZAS EN CENTROS RESIDENCIAIS DOCENTES

Publicada a convocatoria de prazas en centros Residenciais Docentes para cursar estudos postobrigatorios non universitarios durante o cursos 2020/21

• Requisitos
• Estar matriculado/a en estudos postobrigatorios non universitarios (bacharelato ou FP) no curso 2020/21
• Non repetir curso, ou non ter abandoado dúas veces os estudos iniciados no caso de cambio de estudos
• Non ter sido/a expulsado/a anteriormente dun Centro Residencial Docente no curso anterior
• Estar matriculado/a nuns estudos (centros de titularidade pública) que non se impartan na localidade de residencia, ou que non se imparta nunha localidade próxima que permita desprazarse con facilidade 

• Prazo de presentación de solicitudes
• Convocatoria ordinaria:
• Para cursar Bacharelato: ata o 10 de xullo
• Listaxes provisionais: 28 de agosto
• Listaxes definitivas: 14 de setembro
• Para cursar Ciclos Formativos de Formación Profesional: ata o 3 de agosto
• Convocatoria extraordinaria: do 15 ao 22 de setembro, sempre que existan prazas vacantes
• Listaxes provisionais: 29 de setembro
• Listaxes definitivas: 8 de outubro
• Consultar as listaxes de admitidos/excluídos no Portal da Consellería e nos taboleiros dos CDR

• Criterios de baremo (consultar Capítulo III da convocatoria)
• Socioeconómicos
• De rendemento académico

• Acceso a prazas bonificadas e gratuítas: Poderán optar a prazas bonificadas (desde o 10% do prezo) e gratuítas en función de criterios coma os niveis de renda familiar, ou situacións de tutela que poden ser consultados no Capítulo II da convocatoria (ver ligazón mais abaixo)

• Solicitudes:
• Preferentemente por vía electrónica
• Opcionalmente, poderán presentarse as solicitudes presencialmente no centro residencial docente e en calquera dos lugares e rexistros establecidos na norma reguladora do procedemento administrativo común.

Consulta mais información nas seguintes ligazóns:

• Anuncio no Portal de Educación, coa normativa para consulta e documentos anexos para presentar a solicitude
• Páxina web do Centro Residencial de Ourense, onde podedes consultar a infromación de admisión, publicación de listas de admitidos/as, vídeos e información sobre as instalacións e servizos, etc.

GUÍA DE ESTUDOS SUPERIORES DE LA VOZ DE GALICIA

Onte o periódico La Voz de Galicia publicaba a nova Guía de estudos superiores de Galicia, que podedes consultar tamén aquí, premendo na imaxe.

Recordade que no padlet de orientación tamén podedes acceder ó buscador de estudos elaborado a partir desta guía, na sección de buscadores.

Enlace á noticia completa.

ATENCIÓN Á DIVERSIDADE E TELEENSINO

A inclusión educativa é a norma do noso sistema educativo, por tanto asúmese que todo alumnado, independentemente das súas necesidades, ten dereito a recibir unha educación de calidade, personalizada e tendo en conta a súa individualidade.

Durante este período de teleensino debemos continuar con este labor de educar desde unha perspectiva inclusiva e atender á diversidade, para o cal hoxe comparto algúns recursos dos moitos que compañeiras e compañeiros están tendo a amabilidade de compartir.

No portal de Educación do Gobierno de La Rioja, podemos atopar unhas orientacións familiares para pais e nais de alumnos/as con necesidades educativas especiais.

Neste documento podemos atopar pautas para transmitir a información sobre a situación de pandemia, para establecer horarios, xogos e recursos de axuda.

Preme na seguinte imaxe para visualizar o documento.

No blogue de Antonio Márquez, o mais que recomendable si es por el maestro nunca aprendo atopamos unha recente  entrada titulada Tareas accesibles y tecnológicas en tiempos de coronavirus, á que podedes acceder directamente premendo AQUÍ.

Esta entrada debe servirnos de reflexión, en especial ó colectivo docente, das barreiras que sen querer prodúcense ó deseñar tarefas, e que poden ser a motivo de falta de participación, motivación... Estas barreiras evidencianse mais no caso do alumnado con necesidade específica de apoio educativo, pois recordemos que as necesidades educativas deste alumnado abranguen en ocasións un contexto mais amplo que ás dificultades de acceso ó currículo. 

As dificultades para a autorregulación persoal, o acceso ás TICs, a falta de instrucción directa e de modelado que este alumnado precisa está a afondar mais na fenda que xa de por si está a causar esta situación.

Por iso temos que facer un exercicio de sensibilidade entre estándar e estándar, informe e programación e poñernos nos zapatos de quen pode parecer que non quere, pero que non sabe como facelo.

Neste eido, compartir este outro documento de gran utilidade, pois sintetiza as principais pautas de lectura fácil adaptándoas a esta nova modalidade de teleensino na que nos estamos a desenvolver

(premer na imaxe para ampliar)

Ver artigo completo na web do CEDEC

NOVIDADES NAS TITULACIÓNS UNIVERSITARIAS

Onte o portal da Consellería de Educación publicaba a nova oferta de Graos Universitarios para o curso 2020/21, ademais de ofertar voz vez primeria tres Graos abertos.

Os novos Graos que se ofertan partir do vindeiro curso son as seguintes:

• Empresa e Tecnoloxía, na Universidade de Santaigo de Compostela, Campus de Lugo
• Bioquímica, no mesmo Campus
• Nanociencia e Nanotecnoloxías, na Universidade da Coruña

Por outra banda, amplíase a oferta de dobles Graos, introducindo os seguintes, todos eles na Universidade de Vigo:

• ADE e Enxeñería Informática, no Campus de Ourense
• Enxeñaría Biomédica e Enxeñería Electrónica Industrial e Automática, no Campus de Vigo
• Enxeñaría Biomédica e Enxeñaría Mecánica, tamén no Campus de Vigo

Con respecto ós Graos Abertos, estos consisten nunha nova iniciativa na que os/as estudantes poden cursar o primeiro curso escollendo materias de diferentes Graos, para así facerse unha mellor idea no caso daquelas persoas que dubiden entre varias titulacións, puidendo mais adiante decidir por cal optan finalmente.
Tendes mais información sobre os Graos Abertos nesta entrada do blogue de Mónica Diz

Os primeiros Graos que se incorporan a esta nova modalidade son:

• Ciencias Sociais e Xurídicas, na Universidade da Coruña
• Enxeñería Industrial, na Universidade da Coruña, Campus de Ferrol
• Enxeñerías, na Universidade de santiago de Compostela, Campus de Lugo

Toda a información do portal da Consellería aquí

DÍA DO LIBRO

Onte, 23 de Abril, conmemorouse o Día Internacional do Libro.
A UNESCO escolleu esta data simbólica para fomentar a lectura porque ese día faleceron figuras da literatura universal da talla de Cervantes ou Shakespeare, entre outros e outras.
Desde este blogue animámosvos a disfrutar dun bo libro (ou regular, ou malo, danos igual!) e para iso ímonos axudar dos recursos que están compartindo compañeiras e compañeiros nos seus blogues.

• Silvia é orientadora no CPI Domingo Fontán de Portas, e no seu blogue Orientando. Coeducando explícanos como acceder ás Bibliotecas Públicas. Tes toda a información nesta entrada.
• Nuria, a orientadora do IES Antón Alonso Ríos compartiu un listado de lecturas nas que as e os protagonistas teñen algún tipo de diversidade fucional. Preme aquí para botarle un ollo ó listado
• No blogue Iguala-T no Chivi-T Lucía, orientadora no IES Taboada Chivite, deixounos unha morea de libros e lecturas pola Igualdade
• Non podemos deixar de mencionar o blogue de Israel, un dos nosos profes de Lengua e Literatura, que nos agasalla con fermosos microrrelatos no seu blogue israELprofedelengua

Por outra banda, temos tamén publicadas diferentes guías de lecturas publicadas por Institucións, como:

• A Guía de Literatura Infantil e Xuvenil para a Igualdade da Secretaría Xeral de Igualdade
  
• A Guía de Lectura LGTBI do Instituto da Muller de Castilla La Mancha
  

REVISTA "ENTRE ESTUDIANTES"

A revista "Entre estudiantes" ofrece de maneira gratuita e en aberto o seu número de abril para que todos e todas podades consultar os seus contidos desde casa.
Podedes visualizar a revista premendo na imaxe, e descargala, se así o preferides.

HUMOR EN TEMPOS DE INCERTIDUME

Onte tivo lugar a Conferencia Sectorial de Educación, na cal o Ministerio acordou a promoción xeral do curso, entre outras medidas que podes consultar aquí.

Con todo, todavía temos que esperar a que a Consellería de Educación dicte unhas instruccións mais precisas.

Mentres tanto, nós seguiremos vencendo esta situación como mellor podamos, e coa axuda do humor moito mellor.

CADERNOS DE ORIENTACIÓN ACADÉMICA

Xa tendes dispoñible na Aula Virtual, na sección de Orientación Académica os cadernos de orientación con información adaptada a cada curso, para 1º, 2º e 3º da ESO.
Recordade que os de 4º curso xa contabades coas presentacións coas que estivemos traballando en titoría, con información mais pormenorizada.

Ó longo do día tamén se irán subindo á páxina web do Instituto.

Nestes días que estamos na casa é probable que por momentos perdades a motivación e non teñades ganas de seguir facendo as tarefas escolares.
É completamente normal e responde á dificultade da situación que estamos a vivir, pero eu quero animarvos a que continuedes traballando un tempo cada día porque a perseverancia é unha das cualidades mais importantes para conseguir ser as persoas que queremos.

Agora para que botedes unhas risas pégovos unha curta para que vos poñades cada vez que vos pase pola cabeza a idea de "estudar non vale para nada" ou aquelo de "para que me vai servir esto?"
Se deixamos de estudar podemos convertirnos en mozos e mozas coma estas...

RECURSOS DE AXUDA

Déixovos novos recursos que vou atopando na rede, gracias a entidades e blogues doutr@s orientador@s.

Nunha entrada anterior compartía as pautas do Colexio de Psicólogos de Madrid. Agora traio as recomendacións do Colexio Oficial de Psicólogos de Galicia, que podedes ler premendo na imaxe.

Tendes outros recursos de moita utilidade aquí, destacando o caderno "Retrincos de cores" para trabalhar con menos mais pequenos a través do debuxo.

Por outra banda, destacar dúas iniciativas marabillosas que nos amosan que en tempos de dificultade as persoas poden sacar o mellor de sí:

• "Mocidade contra o virus": desde Xuventude Galicia están recopilando iniciativas de axuda, como a dos universitarios que se ofrecen a axudar ao alumnado de ESO e primaria cos seus estudos, ou outras iniciativas de colaboración cidadá e veciñal. Aconséllovos ir consultando porque van actualizando con novas iniciativas. Preme aquí para coñecelas.

• Teléfono Social: desde Voluntariado Galego puxeron o teléfono do voluntariado social como un recurso de axuda para esta situación. Se clicas nesta ligazón podes acceder a mais información

PRAZOS DE INSCRICIÓN

O día de hoxe adicámolo a respostar unha dúbida que de seguro moitos e moitas están a ter... que pasa cos prazos de inscrición en centros, probas ou actividades que comezaran antes das medidas de confinamento?

Pois ante todo transmitirvos tranquilidade, porque todos estes prazos están automáticamente interrompidos e reaunadaranse cando remate o estado de alarma.

A medida que a Consellería facilite información irémola publicando na sección de Novas e Avisos.

Ata entón, deixo información sobre as convocatorias afectadas por esta interrupción:

Solicitude de admisión en centros (só para alumnado que cambie de centro para seguir cursando a mesma ensinanza ou para estudos superiores nun centro non adscrito ó seu)
Axudas para a realización de actividades de formación en linguas estranxeiras
Participación en actividades formativas STEM (Ciencia, Tecnoloxía, Enxeñería e matemáticas) en lingua inglesa
Probas de acceso a Ciclos Medios e Superiores de Formación Profesional (só para persoas previamente inscritas e admitidas nas listaxes definitivas) A data de celebración de proba está interrompida

PREME NAS IMAXES PARA ACCEDER AO PORTAL CORRESPONDENTE





Normativa consultada:

• Real Decreto 462/2020, de 14 de marzo, por el que se declara el estado de alarma para la gestión de la situación de crisis sanitaria ocasionada por el COVID-19
• Disposición adicional terceira. Suspensión de plazos administrativos VER MAIS

• Instruccións do 13 de marzo de 2020, provisionais dirixidas ás direccións dos centros educativos de ensino non universitario sobre a concreción das medidas a adoptar en relación coa pandemia covid-19 para os vindeiros 14 días naturais contados dende o 16 de marzo de 2020
• Punto 1. Proceso de admisión (amplíase este plazo do 20 de marzo á semana posterior do reinicio das clases) VER MAIS

CONSELLOS DE CARA Ó CONFINAMENTO

Bo día!

No día de hoxe comparto con vos esta infografía que fixemos con consellos para soportar estes días de confinamento o mellor posible.

Preme na imaxe para vela a tamaño completo 

Recomendo tamén visitar este comunicado do Colexio Oficial de Psicólogos de Madrid, que contén recomendacións para toda a poboación para afrontar o malestar psicolóxico.

BENVIDA Ó BLOG DE ORIENTACIÓN DO IES CASTRO DE BARONCELI

Neste espazo iremos colgando información e recursos que esperamos sexa de utilidade para alumnado, familias e profes.

APLICACIÓN DE ORIENTACIÓN orientaline

Comezamos a nosa andadura pola blogosfera cun recurso para a orientación académica e vocacional, a aplicación orientaline.

Con ela poderedes revisar toda a información respecto das distintas ensinanzas (Formación Profesional, Bacharelato, Graos Universitarios...), así como facer cuestionarios de orientación para aqueles e aquelas que anda non o teñen claro.

Podedes facer tantos cuestionarios como queirades.

preme aquí para acceder

Próximamente iremos subindo ó blog as presentacións que o Departamento de Orientación foi explicando nas sesión de titoría sobre as distintas ensinanzas postobrigatorias, pero se tes dúbidas mais concretas podes escribir a orientacioniescdb@gmail.com

Un saúdo e coidádevos moito.